سمندر کے ان وسیع بنجر خطوں کے پیچھے کی حیاتیات
مردہ خطوں کا نام اس حقیقت کی وجہ سے پڑا کہ وہ بہت ہی کم پودوں اور جانداروں کے رہنے کے لائق ہوتے ہیں۔ اس کی وجہ آکسیجن کی عدم موجودگی ہوتی ہے جس کو 'قلیل آکسیجنی کیفیت' کہتے ہیں۔ قلیل آکسیجنی کیفیت کی صورتحال جھیلوں اور کھڑے پانی کے ذخیروں میں ہو سکتی ہے تاہم یہ صورتحال سمندر کے بڑے حصّوں میں بھی موجود ہوسکتی ہے۔
مردہ علاقہ یا خطے کی اہم وجہ یوٹروفِکیشن ( نائٹریٹ اور فاسفیٹس سے بھر پور پانی) ہے یعنی جب وہ معدنیات خاص طور پر جن کی بنیاد زرعی ہوتی ہے پانی میں شامل ہوجائیں۔ غذایت کی بلند ترین سطح پانی کی سطح پر کائی کا زبردست جوبن لانے کا سبب بنتی ہے۔ اس کے بعد یہ آکسیجن کو پانی میں داخل ہونے سے روک دیتی ہے جو آسانی کے ساتھ اپنے نیچے ہر چیز کو تباہ کردیتی ہے۔
بہنے والے غذائیت بخش اجزاء کی زرعی ماہیت کی وجہ سے، مردہ خطے اکثر ساحل کے قریب ہوتے ہیں۔ کم از کم 146 معلوم ساحلی مردہ خطے پوری دنیا میں موجود ہے جس میں سب سے بڑا بحیرہ بالٹک اور میکسیکو کی خلیج میں واقع ہے۔
0 comments:
ایک تبصرہ شائع کریں